Avropa

"Könüllülər koalisiyası"nın qoşunları HƏRƏKƏTƏ KEÇDİ

16 Dekabr 2025 20:48

"Könüllülər koalisiyası"na daxil olan dövlətlər Ukraynaya mümkün göndəriş ərəfəsində öz qoşunlarının döyüş hazırlığı səviyyəsini yüksəldiblər.

Publika.az xəbər verir ki, bu barədə Böyük Britaniyanın müdafiə naziri Con Hili respublikaya hərbi tədarüklər üzrə “Ramştayn” formatında keçirilən əlaqələndirmə qrupunun iclasında çıxışı zamanı bildirib.

“Məhz "könüllülər koalisiyası" vasitəsilə biz hazırlıq səviyyələrini artırırıq. Sülh bərqərar olduqda Britaniyanın quru və hava qüvvələrinin yerləşdirilməsinə hazırlıq üçün maliyyələşdirməni davam etdirirəm”, – deyə müdafiə naziri vurğulayıb.

Dekabrın 9-da Avropa Parlamentində ən böyük fraksiya olan Avropa Xalq Partiyasının (AXP) rəhbəri Manfred Veber bəyan edib ki, Ukraynadakı münaqişə başa çatdıqdan sonra Avropa Almaniyanın iştirakı ilə respublika ərazisinə sülhməramlı qüvvələr yaratmalı və göndərməlidir. Onun sözlərinə görə, atəşkəs əldə olunarsa, “Avropa onun təmin edilməsinə hazır olmalıdır”.

Hüseyn İbadlı