“Drujba”ya qarşı təxribat: Avropada nə baş verir?

Polşanın qərbində yerləşən Pnevı şəhəri ərazisində “Drujba” neft kəməri zədələnib. Nəticədə yanacaq sızması baş verib.

Publika.az xəbər verir ki, Dövlət Yanğından Mühafizə Xidmətinin Vilkopolska vilayəti üzrə bölməsinin sözçüsü Martin Halasz bildirib ki, yanğın və ya partlayış təhlükəsi qeydə alınmayıb. Hadisənin səbəbləri araşdırılır.

“Drujba” neft kəmərini idarə edən Polşanın PERN şirkəti təxribat da daxil olmaqla kəmərə ziyan vurulmasının bütün mümkün səbəblərini nəzərdən keçirir. Bu barədə şirkət nümayəndəsi məlumat verib.

“Hazırda mütəxəssislər neftin vurulmasını bərpa etməklə, sızmanın nəticələrini aradan qaldırmaqla, həmçinin hadisənin səbəblərini müəyyənləşdirməklə məşğuldurlar”, - PERN şirkətinin nümayəndəsi bildirib.

PERN nümayəndəsinin sözlərinə görə, ekspert rəyi alınana qədər “versiyaların heç biri, o cümlədən boru kəmərinə qəsdən ziyan vurulması versiyası, habelə hadisənin sırf texniki səbəbi ilə bağlı

Noyabrın 30-da Slovakiyanın daxili işlər naziri Matus Şutai-Eştok mühüm infrastruktur obyektlərinə, o cümlədən “Drujba” neft kəmərinə terror hücumlarının mümkün hazırlanması ilə bağlı təhqiqata başlandığını elan etmişdi.

İdarə rəisinin sözlərinə görə, noyabrın 26-da hüquq-mühafizə orqanlarının əməkdaşları terror aktlarının hazırlanmasında iştirakda şübhəli bilinən bir neçə nəfəri saxlayıblar. Onların arasında Slovakiya və Ukrayna vətəndaşları da var.

Tural