Tramp Ukraynanı talan etmək istəyir: Şoltsdan reaksiya gəldi

Almaniya kansleri Olaf Şolts ABŞ prezidenti Donald Trampın maliyyə yardımı müqabilində Ukraynadan nadir torpaq metalları tələbini tənqid edib.

Publika.az xəbər verir ki, Şolts bu barədə AB-nin Brüsseldə keçirilən qeyri-rəsmi müdafiə sammitindən sonra danışıb.

"Biz müharibədən sonra lazım olacaq hər şeyi maliyyələşdirmək üçün bu ölkənin resurslarından istifadə etməliyik”, - Şolts deyib.

Şolts vurğulayıb ki, gələcəkdə Ukraynaya güclü ordu, eləcə də ölkənin yenidən qurulması üçün maliyyə lazım olacaq. "Ukraynada baş verən böyük dağıntıları nəzərə alsaq, bunlar böyük vəzifələrdir. Ona görə də mən hesab edirəm ki, Ukraynanın resurslarından yaxşı gələcək üçün istifadə olunsa, daha yaxşı olar", - Almaniya kansleri qeyd edib.

Bundan əvvəl Tramp Ukrayna ilə silah tədarükü müqabilində nadir torpaq metalları və digər resursların alınması ilə bağlı müqavilə bağlamaqda maraqlı olduğunu bildirib.

Tramp deyib ki, Ukraynanın “çox qiymətli nadir torpaq metalları” var və ABŞ onun investisiyalarına müəyyən dərəcədə “zəmanət” verilməsini istəyir.

Tural