Avropada Rusiyaya qarşı "ölümcül ssenari" hazırlanır: Bu dəfə...

Avropa Komissiyasının üzvləri regional istehlakçıların Rusiyadan enerji almasına qarşı qadağanın ssenariləri üzərində işləyirlər.

Publika.az xəbər verir ki, bu barədə “Reuters” agentliyi insayderlərə istinadən məlumat yayıb.

Məlumata görə, yeni qanun layihələri Avropa şirkətlərinə Rusiya tədarükçüləri ilə mövcud müqavilələrdən birtərəfli qaydada çıxmaq hüququ verəcək, həmçinin onları gələcəkdə oxşar müqavilələr bağlamamağa məcbur edəcək.

Qeyd edilir ki, bu ssenari Avropa İttifaqının Rusiyadan yanacaqdan imtina etməsi üçün genişmiqyaslı layihənin bir hissəsi kimi hazırlanır.

Xatırladaq ki, bir neçə ildir ki, Avropa ölkələri tərəfindən Rusiyanın enerji resurslarına “boykot” davam edir.

Federasiya Şurasının üzvü Aleksey Puşkovun sözlərinə görə, bu siyasət yalnız regionun aparıcı funksionerlərinin “fanatizmi” sayəsində öz aktuallığını saxlayır.

Digər ekspertlər isə hesab edirlər ki, Rusiya ilə Avropa İttifaqı arasında enerji münaqişəsi ABŞ-ın siyasi təzyiqinin alternativ ssenarisinə çevrilə bilər.

Adəm