Zelenski Trampla görüşə bu cür geyinəcək

Ukrayna prezidenti Vladimir Zelenski ABŞ lideri Donald Trampla görüşü üçün daha rəsmi geyim tərzi seçəcək.

Publika.az xəbər verir ki, əvvəllər Zelenski ilə əməkdaşlıq etmiş ukraynalı dizayner Elvira Həsənova bu fikri “Fox News” telekanalına müsahibəsində bildirib.

“Yəqin ki, o, polo köynəkdə görünməyəcək. Düşünürəm ki, o, qara hərbi kostyum və ya hərbi köynək və şalvar, bəlkə də pencəklə gələcək”, - Həsənova qeyd edib.

Dizayner qeyri-rəsmi geyim tərzinə görə tənqidlərlə üzləşən Ukrayna liderinin bu dəfə daha ciddi imic seçə biləcəyi qənaətində olduğunu bildirib.

Qeyd edək ki, 2025-ci ilin iyulunda NATO sammitində Zelenski üç ildən sonra ilk dəfə klassik kostyumda görünüb. Bu, bu ilin martında Ağ Evdəki qalmaqaldan sonra Zelenskinin rəsmi geyimdə ilk çıxışı olub. Daha sonra Oval kabinetdə görüş zamanı jurnalist Brayan Qlenn Ukrayna rəhbərindən kostyumunun olub-olmadığını soruşub. Bu sualdan sonra Ağ Evdə vəziyyət qızışmağa başlayıb və nəticədə danışıqlar Zelenski ilə ABŞ prezidenti Donald Tramp arasında çəkişmə ilə yekunlaşıb.

Akqabay