Almaniya kansleri sülh danışıqları üçün MƏKAN TAPDI

Almaniya kansleri Fridrix Merts Cenevrəni Ukraynada atəşkəsə nail olmaq üzrə danışıqlar yeri kimi təklif edib.

Publika.az xəbər verir ki, bu barədə TASS məlumat yayıb.

O qeyd edib ki, artıq İsveçrə prezidenti ilə danışıb və onu əmin edib ki, Cenevrə Ukraynada atəşkəs sazişinin bağlanması üçün əlverişli məkan kimi görünür.

“Birisigün koalisiyaya yenidən orada toplaşmağı təklif edəcəyəm” - deyə Merts İsveçrə Prezidenti Karin Keller-Zutter ilə birgə mətbuat konfransında bildirib.

Əvvəllər bildirilmişdi ki, “İstəklilər koalisiyası” sentyabrın 4-də Ukrayna üçün təhlükəsizlik təminatları və onun gələcək dəstəyi ilə bağlı məsələləri müzakirə edəcək. Görüş videokonfrans vasitəsilə baş tutacaq.

İclasda Almaniya kansleri Fridrix Merts, Böyük Britaniyanın baş naziri Kir Starmer, NATO-nun baş katibi Mark Rutte və Avropa Komissiyasının sədri Ursula fon der Lyayenin iştirakı gözlənilir.

“İstəklilər koalisiyası” Ukraynada mümkün sülhməramlı missiyada iştiraka icazə verən 30-dan çox ölkəni, əsasən də Avropanı birləşdirən birlikdir. Fransa və Böyük Britaniya əlaqələndirici rol oynayır.

Hüseyn İbadlı