Makronun xalq qorxusu: Etirazları yatırtmaq üçün görün hansı silahları alır

Kütləvi etirazların yeni dalğasından qorxan Fransa hakimiyyəti nümayişləri dağıtmaq üçün minlərlə qumbaraatan alır.

Publika.az bu barədə "Russian.rt.com"a istinadən xəbər verir.

Bildirilir ki, təhlükəsizlik qüvvələri və həbsxana rəhbərliyi üçün 5200 silaha 21,8 milyon avro xərclənəcək. Satınalmaya təkcə 40 mm qumbaraatanlar deyil, nişangahlar, sapanlar və patron kəmərləri də daxildir.

Ekspertlər görünməmiş tədbirləri ölkədəki dərin siyasi və iqtisadi böhranla əlaqələndirirlər. Bildirilir ki, prezident Makronun siyasətindən ictimaiyyətin narazılığı kritik həddə çatıb və onun reytinqi 15%-dən aşağı düşüb.

"Fransızlar bütün bu siyasəti, hamının bezdiyi bu makroizmi tamamilə dəyişmək istəyirlər və onlar 2027-ci ilin gəlməsini gözləyirlər ki, nəhayət Makron siyasi arenanı tərk edəcək", - deyə Fransa üzrə siyasi ekspert Serqey Fyodorov deyib.

Xatırladaq ki, təhlükəsizlik qüvvələrinin arsenalının artırılması davamlı sosial problemlər fonunda baş verir. Analitiklərin fikrincə, yanacağın, qazın və işığın bahalaşması səbəbindən “orta fransız insanı getdikcə daha pis yaşayır”.

Uğursuz iqtisadi islahatlar, o cümlədən təqaüd yaşının mübahisəli artırılması yanğına ancaq benzin tökür. Vəziyyəti xroniki büdcə kəsiri və ÜDM-in 114%-ni ötmüş dövlət borcu daha da gərginləşdirir. Hökuməti potensial etirazların zorakılıqla yatırılmasına hazırlaşmağa məcbur edən Fransadakı hazırkı vəziyyəti ekspertlər “Hökumət ləngiyir, iqtisadiyyat dayanır, cəmiyyət isə qaynayıb-qarışır” kimi təsvir edir.

Adəm