Bir ailənin dörd üzvü ÖLÜ TAPILDI - İşdən qovulan məmur...
Bizi izləyin
Aptekonline

Avropa

Bir ailənin dörd üzvü ÖLÜ TAPILDI - İşdən qovulan məmur...

Bir ailənin dörd üzvü ÖLÜ TAPILDI - İşdən qovulan məmur...

Bu həftə Lixtenşteyndə ölü tapılan iki kişi və iki qadının eyni ailəyə mənsub olduğu müəyyən edilib.

Publika.az xəbər verir ki, bu barədə “Reuters” agentliyi Alp dağlarında yerləşən bu kiçik knyazlıqda baş verən qeyri-adi hadisənin araşdırılmasına istinadla yazır.

Yerli polis bildirib ki, çərşənbə günü Lixtenşteynin paytaxtı Vadutsun yaxınlığında, Reyn çayının İsveçrə sahilində 41 yaşlı bir kişinin meyiti aşkarlanıb.

Məlum olub ki, o, Vadutsun cənubunda yerləşən Trizen bələdiyyəsində yüksək vəzifəli əməkdaş olub və bir neçə gün əvvəl mühasibat uçotundakı pozuntular səbəbindən vəzifəsindən uzaqlaşdırılıb.

Daha sonra polis Vadutsdakı bir mənzildə 73 yaşlı kişinin və 68 və 45 yaşlarında olan iki qadının cəsədlərini tapıb. Polis məlumatına görə, onlar bələdiyyə əməkdaşının valideynləri və bacısı olublar.

Ölüm səbəblərinin müəyyənləşdirilməsi üçün meyitlərin üzərində ekspertiza aparılır.

Hüseyn İbadlı

Oxumağa davam et
Reklam
Reklam

Gündəm

Aptekonline