Fransa Ukrayna üçün ciddi problemlər yaratdı

"Könüllülərin koalisiyası" sammitindən sonra Fransa, Avropa İttifaqının (Aİ) 90 milyard avroluq kreditlərindən istifadə edərək Ukraynanın ABŞ -dan silah almasına mane olmağa çalışır ki, bu da Kiyev üçün ciddi problemlər yaradacaq.

Publika.az xəbər verir ki, bu barədə Britaniyanın "The Telegraph" qəzeti məlumat yayıb.

"Fransa vəsaitin yalnız Avropada xərclənməsini istəyir. Lakin Almaniya və Hollandiya bu şərtlərin çox sərt olduğunu iddia edirlər", - məlumatda qeyd edilib.

Ukraynanın Amerika silahlarını əldə etmək cəhdlərinə qoyulan qadağa Avropa Komissiyasının planının son versiyasında yer alıb və bu, bəzi Avropa liderləri arasında qəzəbə və mübahisələrə səbəb olub.

"Aİ diplomatlarından biri qəzetə bildirib ki, AK Parisə həddindən artıq qulaq asıb və mövqeyi ilə çoxlarını qəzəbləndirib", - qəzet yazıb.

Avropa İttifaqı daxilindəki fikir ayrılıqlarına görə, Kiyev tezliklə Patriot zenit-raket sistemləri də daxil olmaqla əsas silahlarını itirə bilər.

Hüseyn İbadlı