Avropa

Həmin müqaviləni imzala! - Bu liderlər Trampdan xahiş edəcək

14 Yanvar 2026 14:34

G7 ölkələrinin liderləri ABŞ prezidentindən Ukrayna ilə təhlükəsizlik müqaviləsinin imzalamasını xahiş edəcək.

Publika.az xəbər verir ki, bu barədə "Financial Times" qəzeti yazıb.

Bildirilir ki, Avropa liderləri Trampla Vladimir Zelenski arasında Davosda baş tuta biləcək görüşdə iştirak etmək niyyətindədirlər. Görüş gələn həftə baş tuta bilər.

Danışıqlara İtaliya, Almaniya, Fransa, Kanada və Böyük Britaniya liderləri, eləcə də Avropa Komissiyasının sədri Ursula fon der Lyayen qoşula bilər.

Onlar Trampın Ukraynaya təhlükəsizlik zəmanətlərinin verilməsi ilə bağlı Paris bəyannaməsini təsdiqləməsinə çalışacaqlar.

Qeyd edək ki, Paris sammiti zamanı "könüllülər koalisiyası"nın üzvləri Qərb sülhməramlı qüvvələrinin Ukraynaya yerləşdirilməsi planını təsdiqləyiblər, lakin bu, yalnız hərbi əməliyyatlar dayandırıldıqdan sonra baş verə bilər.

Adəm