5-ci maddə işə düşür: Bu ölkə Rusiya ilə müharibəyə gedir

Norveçin şimalındakı "Viking düşərgəsi"ndəki Britaniya dəniz piyadaları ekstremal təlimlər keçirirlər. Rusiya ilə mümkün silahlı müharibə zamanı NATO Nizamnaməsinin 5-ci maddəsinin (Bir üzvə hücum, hamıya hücumdur) aktivləşdirilməsinə hazırlıq məqsədilə belə bir addım atılıb.

Publika.az xəbər verir ki, bu barədə "Politico" məlumat yayıb.

Bəyanatda deyilir: "Arktika dağlarının dərin qarlarında Britaniya dəniz piyadaları Rusiya ilə müharibəyə hazırlaşır".

Nəşr qeyd edir ki, 2026-cı ilin yazında bazada təxminən 1500 əsgər yerləşdiriləcək və onların sayı 2027-ci ilə qədər 2000-ə çatacaq. Təlimləri şərh edən briqada generalı Ceymi Norman artıq sülh içində yaşamadıqlarını bildirib.

Qeyd edək ki, Macarıstanın xarici işlər naziri Peter Siyarto bir müddət əvvəl Avropanın Rusiya ilə müharibəyə hazırlaşdığını bildirmişdi. Onun sözlərinə görə, müharibə 2030-cu ildə başlaya bilər. Nazir hesab edir ki, sonrakı dövrdə sual bütün qitənin tamamilə məhv edilməsinin qarşısını almağın mümkün olub-olmayacağı olacaq.

Adəm