Tramp Qrenlandiyadan sonra Britaniyanı da ilhaq edəcək? - -Şok iddia

ABŞ prezidenti Donald Trampın Qrenlandiyanın ilhaqına dair planlar barədə dəfələrlə verdiyi açıqlamalar təkcə Avropanı deyil, dünyanın böyük bir hissəsini narahat edib.

Publika.az xəbər verir ki, "Metro" nəşri bu mövzuda məqalə dərc edərkən ABŞ liderinin Böyük Britaniyanı da ilhaq etmək istəyində olub-olmadığını araşdırıb.

Londonda yerləşən Avropa Birliyi məsələləri üzrə beyin mərkəzinin direktor müavini İan Bon belə hesab edir ki, hətta Tramp kimi gözlənilməz qərarlar verən bir prezident Böyük Britaniyaya hücuma risk etməz.

"Onun burada qolf meydançaları var. Trampın kral ailəsinə səmimi heyranlığı da aşkar görünür",- Ekspert qeyd edib.Trampın Böyük Britaniya ərazisində 17 qolf meydançası var. O, ötən ilin iyul ayında ticarət məsələləri, Ukrayna və Qəzza zolağındakı hadisələri müzakirə etmək üçün Britaniya Baş naziri Kir Starmeri Şotlandiyadakı qolf kurortlarında qəbul etmişdi.

Ağ Ev rəhbəri uzun müddətdir ki, Britaniya kral ailəsinə olan sevgisini nümayiş etdirir. O hətta bir neçə dəfə jurnalistlərə anasının altı yaşında ikən Kraliça II Yelizavetanın tacqoyma mərasimini necə izləməsindən danışıb. Məqalə müəllifinin də xatırlatdığı kimi, Tramp hətta Britaniyaya ikinci dövlət səfəri zamanı Şahzadə Uilyamı özünün dostu adlandırmışdı.

Tural