Qadını saqqalını qırxmağa nə vadar etdi? - FOTOLAR

Kaliforniyanın Sanniveil şəhərində yaşayan Annaliza Heklmen görənləri təəccübləndirir. İş ondadır ki, xoşbəxt evlilik həyatı yaşayan qadın əri kimi saqqal saxlayır.

Publika.az xarici mətbuata istinadən xəbər verir ki, Annaliza 13 yaşında olarkən onun yumurtalığında kistalar aşkar edilib. Nəticədə, qadının bədən və üz nahiyəsində tüklənmə başlayıb. O, bu müddət ərzində saqqalını qırxmadan yaşayıb. Hətta, 5 il ərdə olan Annalizanın saqqal saxlamasına əri də dəstək çıxıb. Lakin indi cütlük toyun 5 illik yubileyini qeyd etməyə hazırlaşır. Ona görə də, Annaliza yubileydə çəkiləcək fotolarda gözəl görünmək üçün saqqalını qırxmağa qərar verib.

Annaliza deyib: "Ərim saqqal saxlamağıma bir söz demir və mənə dəstək olur. İnanmıram ki, saqqalım onun xoşuna gəlsin, lakin hər necə olmağımdan asılı olmayaraq o, məni belə sevir".

Annaliza uşaqlıqda saqqalına görə tənqidlərə məruz qalıb. İş ondadır ki, Annaliza gün ərzində iki dəfə saqqalını qırxmalı olub. Bu isə onda aqorafobiyaya (evdən çölə çıxmaq qorxusu) səbəb olub. O, üzünü qırxsa belə küçəyə çıxmaqdan qorxub və bu, onda stress yaradıb.

O deyib: "Məni kompleks və qorxulardan ərim xilas etdi. O, mənə yenidən həyat bəxş etdi".

Nura