Kriminal

Bakıya gələn yolda dəhşətli hadisə - 17 YAŞLI QIZ ÖLDÜ - YENİLƏNDİ

10 Oktyabr 2019 13:25

Daxili İşlər Nazirliyi dünən Abşeron rayonunda baş vermiş ağır yol qəzası ilə bağlı məlumat yayıb.

Publika.az nazirliyin mətbuat xidmətinə istinadən xəbər verir ki, oktyabrın 9-da saat 7 radələrində Abşeron rayonunun Müşfiq qəsəbəsi ərazisində Bakı şəhər sakini A.Ağayev idarə etdiyi “BMW” markalı avtomobillə yolu keçən Cəbrayıl rayon sakini Solmaz Abdullayevanı vurub. Nəticədə piyada xəstəxanaya aparılarkən yolda ölüb.

Baş İstintaq və Təhqiqat İdarəsi tərəfindən araşdırma aparılır.

*****

09:30

Abşeron rayonu ərazisində ağır yol qəzası baş verib.

Publika.az xəbər verir ki, Bakı-Şamaxı yolunun paytaxta doğru gələn hissəsində BMW markalı minik avtomobili yolu keçən qızı vurub. Nəticədə ağır xəsarət alan 17 yaşlı qız hadisə yerində vəfat edib.

Faktla bağlı cinayət işi açılıb, araşdırma aparılır.

Muxtar