Bakıda dəhşətli olay - Özündən 29 yaş böyük kişini öldürdü - YENİLƏNDİ

Ötən gün Bakıda törədilmiş qətl hadisəsi ilə bağlı rəsmi məlumat yayılıb.

Sabunçu rayon Prokurorluğundan Publika.az-a daxil olan məlumatda bildirilir ki, iyulun 27-də paytaxtın Sabunçu rayon sakini 1965-ci il təvəllüdlü Hüsnü Əliyevin meyitinin yaşadığı evin həyətində aşkar edilməsi barədə Sabunçu rayon prokurorluğuna məlumat daxil olub.

Dərhal prokurorluq əməkdaşları tərəfindən məhkəmə-tibb ekspertinin iştirakı ilə hadisə yerinə və meyitə baxış keçirilib, digər prosessual hərəkətlər yerinə yetirilib.

Həmin məlumat əsasında aparılan araşdırma zamanı prokurorluq və polis əməkdaşlarının həyata keçirdikləri istintaq və əməliyyat-axtarış tədbirləri nəticəsində Hüsnü Əliyevin bıçaqla xəsarət yetirilərək qəsdən öldürülməsi müəyyən edilib.

Faktla bağlı rayon prokurorluğunda Cinayət Məcəlləsinin 120.1-ci (qəsdən adam öldürmə) maddəsi ilə cinayət işi başlanıb.

İstintaqla cinayətin zərərəçəkmiş şəxslə eyni ünvanda kirayədə yaşayan 1994-cü il təvvəllüdlü Əliyev Kamran Barat oğlu tərəfindən şəxsi münasibətlər zəminində aralarında yaranmış mübahisə zamanı törədilməsinə əsaslı şübhələr müəyyən edilib.

Hazırda prokurorluq və polis əməkdaşları tərəfindən Əliyev Kamran Barat oğlunun tutularaq istintaqa cəlb edilməsi istiqamətində intensiv və zəruri tədbirlər davam etdirilir.

*****

09:52

Bakıda qətl törədilib.

Publika.az xəbər verir ki, ötən gecə Sabunçu qəsəbəsi ərazisində yerləşən fərdi yaşayış evlərindən birinin həyətindən 1965-ci il təvəllüdlü Əliyev Hüsnü Südeyif oğlunun üzərində xəsartlər olan meyiti tapılıb.

Aparılan əməliyyat-axtarış tədbirləri nəticəsində H.Əliyevin Kamran Əliyev adlı şəxs tərəfindən qətlə yetirilməsi məlum olub.

Faktla bağlı araşdırmalar davam etdirilir.

Nizam