Dəb

Penelopa Kruz dəbdəbəli ziyafət libasında - FOTO

7 Sentyabr 2022 13:27

79-cu Venesiya Film Festivalının növbəti günündə Coanna Hoqqun “Əbədi qız” filminin premyerası olub.

Publika.az xəbər verir ki, tədbirdə Tilda Svinton, Penelopa Kruz, Culiana Mur və başqa tanınmışlar iştirak ediblər.

Qırmızı xalçada Tilda Svinton sarı saçları və “Haider Ackermann” imzalı donu ilə diqqəti öz üzərinə çəkib.

“Chanel” moda evinin ilhamvericisi – Penelopa Kruz isə sözügedən brendin dəbdəbəli geyimində bir daha göz qamaşdırıb. Dekolteli və lələkli qara paltar ulduzun gözəl fiqurasını mükəmməl şəkildə vurğulayıb. Stilistlər Penelopanın saçlarını hündür toppuz yığıb, makiyajda isə klassikaya üstünlük verilib.

“Əbədi qız” filmi evlərinə qayıdan qadın və onun qoca anasından bəhs edir. Onların bir vaxtlar əzəmətli mülkləri indi təqib olunur və qadınlar keçmişin sirləri ilə üzləşməlidirlər. Filmdə Tilda Svinton rol alıb.