Dəb

İspan kraliçasının payız stili - FOTO

31 Oktyabr 2022 14:20

İspan monarxının payız stili Avropa kral ailələri arasında özünəməxsusluğu ilə seçilib.

Publika.az xəbər ki, kral ailəsi mədəniyyət sahəsində fəxri mükafatların təqdim edilməsi münasibətilə Asturiyaya dördgünlük səfərini yekunlaşdırıb. Son dayanacaq Kavedo yaxınlığında bir qəsəbə olub.

Bu səfərində palto geyinən kraliçanın payız obrazı böyük marağa səbəb olub.

Yağış altında sərt qayalarda gəzinti üçün Letisiya kaşmir ponçonu xatırladan qara-ağ rəngli qısa palto seçib. Qrafik dizayn, uzun yaxalıq kraliçanın qarderobuna xas olan zamansız zəriflik və müasirliyin qarışığını əks etdirib.

Palto klassik qara şalvarla ağ-qara zolaqlı fransız jiletin fonunda mükəmməl vəhdəttəşkil edib. Belə palto yaşından asılı olmayaraq, hər bir xanımın qarderob konsepsiyasına daxil edilə bilər.

Məlumat üçün bildirək ki, bu yaxınlarda Madrid Opera Evində keçirilən tədbirdə iştirak edən Letisiya geyimi ilə gündəmə gəlmişdi. Buna səbəb kraliçanın protokol qaydalarını pozaraq "Miphai" fransız markasıdan kürəyi açıq paltar geyinməsi olub. Belə bir paltarın krallığın geyim kodu nöqteyi-nəzərindən uyğunsuz olsa da, Letisiya hər kəsi özünə heyran qoya bilib.