Dəb

Ancelina Colinin palto dəbi - FOTO

21 Noyabr 2022 18:45

Ancelina Colinin palto seçimləri bir qayda olaraq xanımlara əsl örnək olur.

Publika.az xəbər verir ki, minimalist stilin pərəstişkarı olan aktrisa, adətən qara, boz və bej rənglərə üstünlük verir. Çoxları hesab edir ki, bej rəngli kaşmir palto olduqca mənasız moda klişesidir. Lakin klassik rəngdə palto axtarır və “hamı kimi görünmək” istəmirsinizsə, o zaman Ancelina Colinin tapıntısına diqqət yetirməyə dəyər. Son illərdə kino ulduzu əsl zərifliyin qeyri-rəsmi səfirinə çevrilib, onun palto seçimləri xüsusilə hər bir klassika pərəstişkarının qarderobunda yer almağa layiqdir.

Bu dəfə Coli Kaliforniyadakı restoranından çıxarkən reportyorların obyektivlərinə tuş gəlib. Ulduz, bütün bej çalarlarından ibarət dəbdəbəli obrazda görünüb. O, boz palto, tünd klassik şalvar və ət rəngli tuflidə olduqca cəlbedici təsir bağışlayıb. Sirr sadədir, soyuq alt tonlu rənglər həmişə tünd-sarışın xanımlarda mükəmməl görünür.