Digər

Ölümcül təhlükə addım-addım milyonlarla insana yaxınlaşdı - Dəhşətə salan görüntülər gəlir - - FOTO

5 Fevral 2020 14:52

Yaponiyanın “Yokohama” limanında lövbər salan “Carnival Corp” kruiz gəmisindəki 10 sərnişində koronavirus tapılıb.

Publika.az xəbər verir ki, 3 min 700 nəfərlik sərnişin və ekipaj üzvü olan karantinə alınmış gəminin içərisindən son görüntülər yayılıb.

Yaponiyanın Səhiyyə naziri Katsunobu Kato virusa yoluxan 10 nəfərin xüsusi tibbi müəssisəyə yerləşdiriləcəyini, digər şəxslərin isə 14 gün müşahidədə saxlanacağını açıqlayıb. Virusa yoluxanlardan 3-ü Yaponiya, 2-i Avstraliya, 1-i ABŞ, 1-i Filippin, 3-ü isə Honkonq vətəndaşıdır.

Gəmidəki sərnişinlərdən bu ana qədər 473 nəfəri yoxlanışdan keçib. Karantində qalan ingilis cütlük sosial media vasitəsilə verdikləri açıqlamada dəniz suyunu içməli suya çevirdiklərini, bunu da yeməklərdə istifadə etdiklərini deyib.

Qeyd edək ki, koronavirus bu günə qədər dünya miqyasında 492 nəfərin ölümünə səbəb olub. 25 ölkədə 24 min 500 nəfər virusa yoluxub.