Koronavirusdan ölümün olmadığı adada dərman tapıldı

Madaqaskarda qızdırma xəstəliyinin müalicəsində istifadə edilən Artemisiya bitkisi və bir çox şəfalı otların qarışığından dərman hazırlanıb.

Publika.az xəbər verir ki, Tətbiqi Araşdırma İnstitutu tərəfindən hazırlanan "Covid Organics" adlı preparatın koronavirusun müalicəsində istifadə ediləcəyi bildirilib.

Madaqaskar Prezidenti Endri Racoelina dərmanı bu gün təqdim edəcəklərini açıqlayıb.

Dərmanın kliniki sınaqları uğurlu keçib. Buna görə də kütləvi istehsalına başlanması qərarlaşdırılıb.

Müalicədə irəliləyişin əldə edilməsinə rəğmən, ölkənin paytaxtı Antananarivo daxil olmaqla, bir çox şəhərdə karantin rejiminin davam ediləcəyi, lakin bəzi qaydaların yumşaldılacağı qeyd olunub.

Son rəqəmlərə görə, Madaqaskarda 83 infeksiyaya yoluxma aşkarlanıb, 39 nəfər sağalıb. Ölüm yoxdur.

Qeyd edək ki, Çinin elm adamları tərəfindən Vyetnam Müharibəsində müalicə məqsədilə istifadə edilən Artemisiya uzun müddətdir ki, laboratoriyalarda sınaqdan keçirilir. Son olaraq çinli həkim Youyou Tu qızdırmanın müalicəsində kəskin effektə malik artemisin maddəsini kəşf etdiyi üçün 2015-ci ilə Tibb üzrə Nobel mükafatını qazanmışdı.

Zümrüd