Dizayn

Məşhur müğənninin möhtəşəm villası - FOTOLAR

29 Oktyabr 2015 11:30

Dünya şöhrətli müğənni Elton Con və həyat yoldaşı David Furniş Kaliforniyada 34 milyon dollara villa alıb.

Publika.az xarici mətbuata istinadən xəbər verir ki, məşhur müğənninin villasının görüntüləri yayılıb.

68 yaşlı musiqiçi Elton Con və 52 yaşlı həyat yoldaşı David Furniş yeni evləri üçün, sözün əsl mənasında, sərvət ödəyiblər. Üçmərtəbəli villa yeddi yataq otağı, 10 böyük hamam, böyük yemək otağı, böyük bir salon, üç xidmətçi otağı, mətbəx, kitabxana, zirzəmi, kino və idman zalından ibarətdir. Təxminən 2 min 300 kvadratmetrlik villanın bağçasında böyük qaraj və böyük bir hovuz da yerləşib.

Qeyd edək ki, 2001-ci ildə Beverli Hillsdə inşa olunan villanı cütlük “Guess” brendinin tərəfdaşı Armand Marcianodan alıb.

Xatırladaq ki, cütlük surroqat ana vasitəsi ilə iki uşaq sahibi olub.

Elton Con dünyanın ən varlı ifaçılarından biri sayılır. Onun sərvətinin təxminən 413 milyon dollar olduğu deyilir.

Aytən