Əslində paltarını göstərmək istəmişdi, amma evindəki sirr ortaya çıxdı - VİDEO

Dünya şöhrtəli aktrisa və müğənni Cennifer Lopezin dünən "Qızıl Qlobus" mükafatlandırma mərasiminə getməzdən əvvəl evindən paylaşdığı video gündəm yaradıb.

Publika.az xəbər verir ki, ulduz çəhrayı rəngli libasının üzərindən geyindiyi uzun şleyfinin arxasındakı bəzək detalını göstərmək üçün evində fotolar çəkdirib və instaqramda paylaşıb. Lakin onun libasından çox həyat yoldaşı Ben Affleklə yaşadığı ev maraqla qarşılanıb. 60 milyon dollara aldığı malikanəsinin interyeri pərəstişkarlarının diqqətindən yayınmayıb. Ceylonun paylaşımlarında ən diqqət çəkən detal yemək otağında tavandan asılan nəhəng çilçıraq olub.

Cennifer Lopez və Ben Afflekin malikanəsində yemək masasının üstündəki bu çilçıraq tamamilə büllurdan hazırlanıb. Onun dəyəri 100 min dollardır. Təbii ki, belə böyük sərvətə malik bir ulduzun evində belə qiymətli bəzək əşyası olması təəccüblü deyil.

Lopezin eyni rəngli qızılgüllərlə bəzədilmiş çəhrayı paltarını nümayiş etdirmək üçün paylaşdığı kadrda masanın düz arxasında və kənarındakı divara yağlı boya ilə çəkilmiş rəsmlərin də sərvət dəyərində olduğu üzə çıxıb.