Çinin kabus şəhərləri - - FOTO

Çin dünyanın ən çox əhalisi olan ölkədir. Çoxları elə düşünür ki, Çində insanlar kiçik evciklərdə yaşayır. Amma bu ölkədə normal yaşayış üçün kifayət qədər boş yer var.

Publika.az xarici mətbuata istinadən xəbər verir ki, Çində təzə şəhərlər salınsa da, orada hələlik heç kim yaşamır.

Məsələ ondadır ki, bir müddət dünyada baş verən iqtisadi böhran nəticəsində Çində indiyədək görünməmiş kabuslar şəhəri yaranıb. Abadlaşdırılan yaşayış sahəsi bütün lazımi, müasir infrastrukturla təchiz edilib. Amma qiymətlərin bahalığından orada heç kim yaşamır.

Trilyonlarla yuana (Çinin milli valyutası) tikilmiş və 64 milyon sakin üçün nəzərdə tutulmuş yeni ərazi boş şəhərə çevrilib.

Bəs niyə şəhər boşdur? Birincisi, bunların əksəriyyəti sivilizasiyadan, qızğın ticarət yollarının və iri müəssisələrdən uzaqda tikilib. Və yeni salınmış şəhər demək olar ki, heç vaxt yaşayış yeri olmayıb. İkincisi, daşınmaz əmlakın qiyməti çox bahadır. Ona görə orta statistik çinli mənzil almaqdansa, qəfəslərdə yaşamağa üstünlük verir.

Monqolustandakı Kanbaşi şəhəri isə guya milyon yarım daş-kömür hasilatçıları və onların ailələri üçün 5 ilə tikilib. Bu şəhərdə ofis mərkəzləri, stadionlar, teatr və muzeylər var. Amma orada Çin mənzil-kommunal təsərrüfatı işçilərindən başqa heç kim yaşamır. Yaşayış məskəni kimi gözləyir görəsən?

Daxili Monqolustan muxtar rayonunda Dünya bankının hesabına tikilmiş Bayannur şəhəri də əhali sarıdan korluq çəkir.

Daha sonra Çjençjou şəhərinin yeni əyaləti Xenanda zoopark, barlar və heç kimin getmədiyi üç teatr var. Halbuki, görünüşcə ora demək olar ki, Dubaydır.

Çinin böyük Yantszı çayının aşağı axarında Dantu adlı daha bir kabus şəhəri var. Bura kabus şəhərləri siyahısına aid edilir.

Göründüyü kimi Çində hər kəsə çatacaq qədər boş yer var.

Aytən