Bu gözəlliyə özünüz ad verin! - BAXMAQDAN YORULMAYACAĞINIZ FOTOLAR

Yaxtalar tarixdən silindi, indi milyarderlərin özəl səyyar adaları dəbdədir!

Son illərdə varlılar arasında qeyri-adi dizaynda bahalı yaxtalar almaq son dərəcə dəbdə idi. Lakin onların heç biri Ailand Kokomo ilə müqayisə oluna bilməz. Kokomo Ailand özündə dəbdəbəli kurortun əlamətlərini birləşdirən iri yaxta və özəl adadır.

Publika.az xarici mətbuata istinadən xəbər verir ki, bu, gəmidən daha çox səyyar adaya bənzəyir. Onu ancaq dəbdəbəli özəl kurort ilə müqayisə etmək olar. Gəminin içində bir neçə çimərlik klubu və bütün trerras əlamətləri var. Kokomonun konseptini “Migaloo Private Submarines” şirkəti hazırlayıb. Tərtibatçıların sözlərinə görə, layihə müştərinin istəyi ilə mümkün texnologiyalara uyğun spesifikasiyalarla tamamlanacaq. Sifarişçinin əlavə arzuları isə üzən konstruksiyaların qiymətinə təsir edir.

Okean üzərində dəniz səviyyəsindən təxminən 80 metr yüksəklikdə quraşdırılan terras iki liftdən, cakuzi, özəl çimərlik klubundan ibarətdir. Gəminin ən ekzotik cəhətlərindən biri də göyərtədə cəngəlliklərin yaradılmasıdır. Burada xurma ağacları, bağçalar və şəlalələr var. Göyərtədə isə trenajor zalı, masaj otağı və gözəllik salonu yerləşir. Ağacların arasında açıq havada nahar etmək olar. Göyərtədə gözəl çimərlik üçün çoxlu hovuzlar, açıq havada barbekü üçün meydança, sualtı yeməkxana, köpək balıqlarını yemləmək üçün stansiya və kinoteatr, həmçinin təyyarə meydançası var.

Səkkiz mühərriki olan gəmi böyük platformanı hərəkətə gətirir və saatda təxminən 15 kilometrə qədər yol qət edir.

Aytən