• USD 1,7000 0,00% EUR 2,0331 -0,13%
    • GBP 2,3391 -0,10% RUB 0,0222 -0,45%

Gələn ilin əsas rəng çaları seçildi

  • Dizayn
  • 9 Sentyabr 2020 09:50
  • 1 031 Baxış
Gələn ilin əsas rəng çaları seçildi

Məşhur Holland boya markası “Dulux” növbəti mövsüm üçün əsas rəngi seçib.

Publika.az xarici mətbuata istinadən xəbər verir ki, 2021-ci ilin rəngi “Brave Ground” adlı torpaq bej çalarlarıdır.

2021-ci ilin rəngi “Brave Ground” adlı torpaq bej rənglidir. Şirkət bu rəngin universal olduğunu və təbiətin gücünü əks etdirdiyini qeyd edir. “Brave Ground” sülh və məxfilik yaratmaq üçün istənilən dekorada istifadə edilə bilər.

Şirkət mütəxəssisləri bu çaları təsadüfən seçməyib. Bunda koronavirus pandemiyası böyük rol oynayıb. “Qlobal pandemiya nəticəsində insanların yaşayış və yaşamaq üçün prioritetləri, yaşayış və iş şəraiti də əhəmiyyətli dərəcədə dəyişib. "ColourFutures 2021" palitrasının bir hissəsi olan "Brave Ground" insanlara rahatlıq hissi bəxş etməklə yanaşı müsbət enerji ötürəcək” , - Dulux UK şirkətinin yaradıcı direktoru Marianne Şillinqford açıqlamasında qeyd edib.

Səssiz çalarlara əlavə olaraq mütəxəssislər qırmızı və çəhrayı rənglərin ekspresiv palitrası ilə yanaşı, qəhvəyi çalarların dəbdə olacağını qeyd edib.

Xatırladaq ki, bir il əvvəl şirkət “sakit şəfəq” mənasını verən pastel yaşıl Tranquil Dawn çalarını əsas rəng elan etmişdi. Mütəxəssislər səhər səmasının görüntüsündən ilham aldıqlarını və bu rəngin interyerdə istifadə oluna biləcəyini, xüsusilə yaradıcılıq və məna axtarışları üçün ideal olduğunu bildirmişdi.

Aytən Məftun

Halal Nemət

Xəbər lenti

DAHA ÇOX XƏBƏR