Dizayn

Bu rənglər yataq otağında sizə mane olacaq - FOTO

10 İyul 2023 16:09

Qırmızı yataq otağı üçün çox aktivdir, mavi isə onu ofis kimi göstərir.

Publika.az xəbər verir ki, bu sözləri TikTok-da "Lavilla dubai" təxəllüsü ilə videolar yerləşdirən interyer dizayner deyib.

O, bildirib ki, yataq otağı dekorasiyası üçün birdən çox rəng seçmək məsləhət deyil. Onun videosunu "The Sun" nəşri yayımlayıb.

Dizaynerin fikrincə, qırmızı yataq otağının əhvalını çox əyləncəli göstərir.

"Aktiv, cəsarətli və enerjili. Yataq otağınızda yaşamaq istədiyiniz atmosfer bu deyil. Qara da bu otaq üçün çox tünddür. Çox ciddi və tutqun. Yəqin ki, gününüzü belə başlamaq istəmərsiniz", - ekspert bildirib.

Yataq otağını bəzəyərkən mütəxəssisin tövsiyə etmədiyi üçüncü rəng mavidir. “Daha açıq çalarları seçsəniz, bu, yataq otağı üçün əla rəngdir. Ancaq tünd və dolğun göy seçsəniz, bu, yataq otağını ofis və ya foye kimi göstərəcək", - dizayner vurğulayıb.