Dünya

Yeni kralı zəhərləyib devirmək istədilər - İDDİA

12 Oktyabr 2015 14:08

Səudiyyə Ərəbistanında kral Abdullah bin Əbdüləzizdən sonra onun yerinə keçən 76 yaşlı Salman bin Əbdüləzizlə əlaqədar yayılan son iddialar hakimiyyət uğrunda qarşıdurmaların gücləndiyi barədə ehtimalları yüksəldib.

Publika.az xəbər verir ki, İsrailin kəşfiyyat mənbələrinə istinad edən “DebkaFile” saytı kral Salmanın zəhərlənərək öldürülməsinə cəhd olduğunu yazıb.

Saytın yazdığına görə, kral paytaxt Ər-Riyadda aparıldığı xəstəxananın reanimasiya şöbəsinə yerləşdirilib. Bəzi mənbələr isə sayta açıqlamasında yüksək dozada narkotik dərman verilən kralın məcburi şəkildə xəstəxanaya aparıldığını söyləyib.

İddialara görə, kral Salmanın xəstəxanaya aparılmasından sonra vəliəhd şahzadə Məhəmməd bin Nayef krallıqda idarəçiliyi ələ alıb. Daxili işlər naziri olan Məhəmməd bin Nayef Vaşinqtona ən yaxın nazirlərdən biri hesab edilir.

Ömər Dağlı