London və Nyu-Yorkdakı yüzmilyardlarla dollarlıq əmlakın gizli sahibləri

Korrupsiyaya qarşı mübarizə məqsədi ilə yaradılan Beynəlxalq Şəffaflıq Təşkilatı tərəfindən hazırlanmış "Pərdə" Şirkətlər Qlobal Hesabatı" açıqlanıb.

Publika.az “marja”ya istinadən xəbər verir ki, G20 Sammiti ərəfəsində təşkilatın sədri Kobus de Svardt tərəfindən açıqlanan hesabata görə, ABŞ və Çin də daxil olmaqla G20 hökumətləri korrupsiyaya qarşı mübarizədə uğursuzdurlar.

Hesabata görə, şirkətlər yolu ilə ildə 2 trilyon dollara yaxın pul yuyulur. G20 ölkələri arasında yalnız İngiltərə cinayətkarların sərvətlərini saxlamalarına mane olma məsələsində fəal səy göstərir.

Dünyanın ən böyük iqtisadiyyatları olan ABŞ və Çin isə "zəif çərçivə" kateqoriyasına düşərək ən pis performans nümayiş etdirən ölkələr arasına giriblər. Hesabatda hər iki ölkənin şirkət və digər hüquqi şəxslərinin korrupsiya vasitəsi kimi istifadə edilməsinin qarşısını alacaq aktların qəbul edilməsi istiqamətindəki səylərini artırmalarının vacib olduğu vurğulanır.

Hesabatda G20 hökumətlərinin şirkətlər, banklar və korrupsiyaya qarışan insanlar üzərindəki nəzarətlərini artırmalarının lazım olduğu ifadə edilib.

Hesabata görə, yalnız Hindistan və İngiltərə şirkətlərdən səhmdarları və ya onları idarə edən xüsusi adamlar haqqındakı məlumatları qeyd etmələrini tələb edir.

"Daha da narahat edici bir vəziyyət isə Nyu-York, Tokio, Şanxay və Sidney kimi maliyyə mərkəzlərini əhatə edən 8 G20 ölkəsində bankların pulun arxasındakı adamı tapmasalar belə, prosesi tamamlaya bilmələridir" ifadələrinin istifadə olunduğu hesabata görə, 7 G20 ölkəsində dəllallar əmlak satış və alışlarının arxasındakı fiziki şəxsləri müəyyən etmək məcburiyyətində deyillər. Bunun nəticəsi olaraq London və Nyu-Yorkdakı yüzmilyardlarla dollarlıq əmlakın gizli sahibləri var.

İqtisadiyyat şöbəsi