Dünya

İŞİD lideri vuruldu

12 Fevral 2017 21:46

İŞİD lideri vuruldu.

İŞİD terror təşkilatının lideri Əbubəkr əl-Bağdadi İraqın qərbində aviazərbələr nəticəsində yaralanıb.

Publika.az xarici KİV-ə istinadən xəbər verir ki, bu haqda təhlükəsizlik mənbələrinə istinadən “Alsumaria” və “Alhurra” peyk telekanalları bildirib.

“Alhurra”nın məlumatına görə, İŞİD lideri fevralın 9-da Əl-Kaim şəhərində aviazərbə zamanı yaralanıb. Kanal xəbər verir ki, o, İŞİD liderlərinin iştirakı ilə keçiriləcək toplantıya gəlmişdi. Aviazərbə İraq Hərbi Hava Qüvvələri tərəfindən endirilib.

Kanal iddia edir ki, ağır yaralanan İŞİD lideri müalicə üçün Suriyaya çatdırılıb. Onun yanında olan bir neçə başqa terrorçu həlak olub.

Qeyd edək ki, İŞİD liderinin vurulduğu haqqında xəbərlər daha əvvəllər də ərəb KİV-ində yayılıb. Lakin bu informasiyalar təsdiqlənməyib.

Ömər