Putinin avtomobilindəki qırmızı paltarlı qadın kimdir? - - FOTO

Rusiya Prezidenti Vladimr Putinin şəxsi avtomobilində fotoqrafların kamerasına qırmızı paltarlı bir qadın tuş gəlib.

Publika.az xəbər verir ki, Rusiyanın hərbi kanalı “Zvezda” tərəfindən yayımlanan Putinin monastra gəlişi ilə bağlı 10 saniyəlik görüntü rus mediasında böyük əks-səda doğurub.

Monastrın arxasında yerləşən bağda şəxsi avtomobilindən düşən prezident pencəyini götürmək üçün maşının arxa qapısını açıb. Bu an arxa oturacaqda oturan qırmızı paltarlı qadın kameralara tuş gəlib. Sadəcə qırmızı rəngli paltarı görünən qadın əl ilə “pencəyin məndə deyil, onlardadır” işarəsini edərək bağda dayanan mühafizəçiləri göstərib. Putin isə tez-tələsik qapını bağlayıb.

Rusiya prezidentinin mətbuatla əlaqələr üzrə köməkçisi Dmitri Peskov avtomobilin arxa tərəfində oturan qadının Putinin şəxsi mühafizəçisi olduğunu açıqlayıb.

Görüntüləri böyük bir incəliklə izləyən tamaşaçılar isə qadının mühafizəçi olmadığını, Putinə əmr verirmiş kimi bir ədasının olduğunu deyiblər.

Zümrüd