Yapon dənizində itkin düşən azərbaycanlılarla bağlı YENİ XƏBƏR: Hər ikisi ... - (YENİLƏNDİ)

Yapon dənizində itkin düşən Rusiyanın "Vostok" balıqçı gəmisindəki azərbaycanlıların hər ikisi Rusiya vətəndaşıdır.

Bu barədə Saxalin vilayətinin Nevelsk şəhərindəki Azərbaycan icmasının Ağsaqqallar Şurasının sədri Camalxan Kərimov bildirib. Onun sözlərinə görə, Mübariz Hüseynov Salyan, Ruslan Əlizadə isə Kürdəmir rayonundandır.

İcma nümayəndəsi hazırda Saxalin vilayətində hava şəraitinin çox pis olduğunu söyləyib. (apa)

***

Yapon dənizində itkin düşmüş Rusiyaya məxsus “Vostok” balıqçı gəmisindəki azərbaycanlıların adı məlum olub.

APA-nın "PrimaMedia.ru”-ya istinadən verdiyi xəbərə görə, itkin düşmüş 21 nəfərdən ikisinin Azərbaycan vətəndaşı olduğu ehtimal edilir. Bu barədə Saxalin vilayətinin rəsmi qurumlarından məlumat verilib.

Onlar Ruslan Əlizadə (1991) və Mübariz Hüseynovdur (1972).

***

Yapon dənizində Rusiyaya məxsus “Vostok” balıqçı gəmisi yoxa çıxıb.

Publika.az xəbər verir ki, hadisə ilə bağlı Rusiya Fövqəladə Hallar Nazirliyi məlumat yayıb. Məlumata görə, gəmi mənfi 16 dərəcə temperatur olan Yapon dənizində qeyb olub.

“Vostok” balıqçı gəmisinin içərisində 21 nəfərin olduğu deyilib. Aralarında azərbaycanlıların da olduğu dehtimal edilən gəmi ekipajından itikin düşənlərin adları açıqlanıb:

Gəmi kapitanı Lenskiy A.

Kapitanın birinci köməkçisi Voytko S.

Kapitanın ikinci köməkçisi Reyeçektayev E.

Kapitanın üçüncü köməkçisi Kotikov A.

Baş mexanik Paşko Y.

İkinci mexanik Merzlyakov E.

Üçüncü mexanik Dolqonyatov K.

Elektro-mexanik Leviçev A.

Sürücü Kirsanov S.

Aşpaz Piroqov Q.

Matroslar:

Zesler V.

Bankovski S.

Markov N.

Kurennoy V.

Hüseynov M.

Tuzqoyev X.

Poteşkin S.

Qolubıx D.

Karankeviç A.

Əlizadə R.

Yemeyev E

Rusiyanın axtarış-xilasetmə orqanları hadisə yerinə cəlb olunub. Axtarışlara 2 vertolyot və bir gəmi qoşulub.

Könül Cəfərli