Dünya

İŞİD ordusunda vuruşan azərbaycanlılar danışdı – (Video)

13 İyun 2014 16:37

Son bir neçə gündə Yaxın Şərqdə səs-küylü hərbi əməliyyatlarla dünyanı təəccübləndirən “İraq Şam İslam Dövləti” (İŞİD) adlı radikal dini qruplaşma haqda yeni məlumatlar yayılmaqdadır.

Son məlumata görə, İraqda bir neçə iri şəhəri ələ keçirən İŞİD qoşunları Tiqrit yaxınlığında İraq Ordusunun 4500 əsgərini əsir götürüblər.

Modern.az saytı dünən İŞİD yaraqlıları tərkibində azərbaycanlıların da döyüşdüyü barədə məlumat yaymışdı. Bu gün saytın ünvanına həmin azərbaycanlıların görüntüləri və danışıqları əks olunmuş video göndərilib. Youtube sosial şəbəkəsinə yüklənmiş videoda danışan bir neçə azərbaycanlı “İraq Şam İslam Dövləti”nin hərbi uğurlarından danışır, cihada çağırış edirlər.