• USD 1,7000 0,00% EUR 1,8924 -0,18%
    • GBP 2,2219 +0,17% RUB 0,0276 -0,36%

Norveç Putinin sirrini ifşa etdi - Casusu yaxalandı /FOTOLAR

  • Dünya
  • 29 Aprel 2019 18:20
  • 609 Baxış
Norveç Putinin sirrini ifşa etdi - Casusu yaxalandı

Norveçli balıqçılar ötən həftə İqna kəndi yaxınlığında üzərindən asqılar olan bir ağ balina aşkar edib.

Publika.az xəbər verir ki, bu balina norveçli mütəxəssislərin diqqətini çəkib. Onların sözlərinə görə, balina Rusiya Hərbi Dəniz Donanması tərəfindən təlim keçib və o, bir casusdur.

“Guardian” qəzetinin xəbərinə görə, Norveçin NRK televiziyasına danışan balıqçı Yoar Hesten bildirib ki, dənizə torlarını atmaq istəyərkən ağ balina özü onlara yaxınlaşıb: “Balina qayığın iplərini dartmağa başladı. Heyvanın üzərində silah, ya da kamera taxmaq üçün istifadə olunduğunu təxmin etdiyimiz asqılar var idi. Asqını çıxardıq. Üzərində “Sankt Peterburq istehsalıdır” yazısı vardı.

Balıqçılar bildirib ki, balina itaətkar və insanlara öyrəşmiş formada davranıb.

Norveç Dəniz Araşdırmaları İnstitutundan Martin Biu məsələ ilə bağlı bu açıqlamanı verib: “Bu balina Rusiyadan gəlibsə, - elə olduğunu təxmin edirik – bunu edənlərin elm adamları deyil, rus donanması olduğunu düşünürük”.

Norveç Qütb Universitetinin Qütb və Dəniz Biologiyası Fakültəsinin professoru Audun Rikardsen isə qeyd edib ki, rusiyalı araşdırmaçılara bu barədə danışıb: “Rusiyada bəzi balinaların qəfəslərdə saxlandığını, bu yaxınlarda isə azad edildiyini bilirik. Bu balinalar qayıqlara yaxınlaşırlar. Ancaq rusiyalı araşdırmaçılarla görüşdüm. Onların balina ilə bir əlaqələri olmadığını, bunu Murmanskdakı Rusiya donanmasının edə biləcəyini dedilər”.

Qeyd edək ki, 1980-ci illərdə Sovet Rusiyasında əsgərlər tərəfindən təlim keçilən delfinlərin casusluq məqsədilə istifadə edildiyi tarixdə bilinən faktdır. İti görmə qabiliyyəti və çox yaxşı hafizəsi olan, tutulması da bir o qədər çətin olan bu heyvanların su altındakı silahları təsbit etmək üçün istifadə edildiyi bu proqrama 1990-cı illərdə son qoyulub.

Rusiya prezidenti Vladimir Putin son üç ildə Şimal Qütbündəki 3 köhnə Sovet bazasını yenidən istifadəyə açmışdı. Rusiya Donanması adına Murmansk Dəniz Biologiyası Araşdırmaları İnstitutu tərəfindən aparılan araşdırmada ağ balinalara qütb bölgəsindəki bu bazaları qorumaq, dalğıclara bələdçilik etmək və lazım gəldiyində Rusiyanın sularına daxil olan yadları öldürmək üçün təlim keçildiyi məlum olmuşdu. Delfinlər və foq balıqları 120 metr məsafəyə qədər suyun dibindəki torpedo, mina ve digər silahları aşkar etmək və dalğıcların silahlarını daşımaq üçün də istifadə edilir.

Zümrüd

Xəbər lenti

DAHA ÇOX XƏBƏR