Dünya

BMT-dən daha bir ŞOK PROQNOZ: 67 milyon insan...

7 May 2020 14:55

Koronavirus pandemiyası səbəbilə beynəlxalq turist sayı 58-78% düşəcək.

Publika.az xəbər verir ki, bu barədə BMT-nin Ümumdünya Turizm Təşkilatı (UNWTO) hesabat hazırlayıb.

Təşkilatın COVID-19-un təsirlərinə fokuslanan “May Turizm Barometri” adlı sənədində beynəlxalq turist sayının mart ayında ötən ilin eyni dövrünə nisbətən 57% azaldığı bildirilib.

2020-ci ilin ilk 3 ayında beynəlxalq turist sayının ötən ilin müvafiq dövrünə nisbətdə 22% düşdüyü qeyd edilən hesabatda turist sayının ilk yarımildə 67 milyon, turizm gəlirlərinin isə 80 milyard dollar gerilədiyi vurğulanıb.

Araşdırmada pandemiyanın yayılması, sərhəd keçidlərinin bağlanması və səyahət qadağalarının turizm sektoruna qarşı qeyri-müəyyənlikləri artırdığına işarə olunub.

Zümrüd