Süveyş kanalında GƏRGİNLİK: 321 gəmi keçid növbəsi gözləyir
Bizi izləyin

Dünya

Süveyş kanalında GƏRGİNLİK: 321 gəmi keçid növbəsi gözləyir

Süveyş kanalında GƏRGİNLİK: 321 gəmi keçid növbəsi gözləyir

Nəhəng yük gəmisinin saya oturması nəticəsində bağlanmış Süveyş kanalının girişində 321 gəmi keçid növbəsi gözləyir.

Publika.az xəbər verir ki, bu barədə Misirin Süveyş Kanalı İdarəsinin rəhbəri Osama Rabiyə keçirdiyi mətbuat konfransında məlumat verib.

Jurnalistlərə bildirilib ki, Panama bayrağı altında üzən və 400 metr uzunluğunda olan “Ever Given” yük gəmisinin altından və ətrafından 90 min ton ballast suyu təmizlənib. Misir rəsmisi əlavə edib ki, insidentin əsas səbəbi bir gün əvvəl həmin ərazidə baş verən güclü qum fırtınası nəticəsində kanalın dayazlaşması olub.

Misir Prezidentinin tapşırığına əsasən kanalın açılması işlərinə nəzarət edən Baş nazir Mustafa Mədbuli yardım təklif edən ölkələrə təşəkkür edərək bildirib ki, təmizləmə işləri uğurla davam etdirilir. Burada artıq 14 yedək gəmisi “Ever Given”in tezliklə yola salınması üçün əsas işləri görür. Bununla belə, Misir rəsmisi Süveyş kanalının açılacağı dəqiq tarixi söyləməyib.

Teqlər
Oxumağa davam et
Reklam
Reklam

Gündəm

Zəfaran Hospital
Səba