Qərb uduzur, Putin postsovet uğrunda... - Britaniyadan ŞOK

Rusiya Prezidenti Vladimir Putin postsovet məkanı uğrunda mübarizədə qalib gəlməyə yaxındır.

Publika.az">Publika.az xəbər verir ki, bu fikir jurnalist Embrouz Evans-Pritçardın “The Telegraph” nəşri üçün yazdığı məqalədə qeyd olunub.

Nəşr qeyd edir ki, Rusiya 635 milyard dollar dəyərində valyuta ehtiyatı toplayıb və bu ehtiyatlar dünyada beşinci yerdədir və böyüməkdə davam edir. Ölkənin dövlət borcu ÜDM-in 18%-ni təşkil edir, yəni dünyada altıncı yerdədir və azalmaqda davam edir.

Moskva bank sistemini təmizləyib və iqtisadiyyatın ciddi vəziyyətlərə uyğunlaşmasına imkan verən səmərəli idarə olunan, üzən valyutaya malikdir. Rusiyanın büdcə profisiti var və dövlət xərclərini ödəmək üçün xarici investorları cəlb etməyə əl atmır. Evans-Pritçard bildirib ki, ölkə hökumətin neft gəlirlərindən asılılığını azaldıb.

“Bu cür kurs pulun “vertolyotlardan səpələndiyi” və büdcənin dominant rol oynadığı Qərbin israfçı sosial-iqtisadi sistemləri ilə kəskin ziddiyyət təşkil edir”, - material müəllifi qeyd edir.

Evans-Pritçard onu da qeyd edib ki, rəsmi Moskva Avropaya bütün qaz tədarükünü (Aİ-yə tədarükün 41%-i) iki il və ya daha çox müddətə ciddi maliyyə məhdudiyyətləri ilə üzləşmədən kəsə bilər.

“Rusiya prezidentinin Soyuq Müharibə başa çatdıqdan sonra imzalanmış sazişləri pozmaq və Rusiyanın yaxın coğrafiyada hökmranlığını bərpa etmək üçün unikal şansı var. Onun hesablamalarının hazırkı siyahısındakı sanksiyaların heç biri dəyişməyəcək”, - jurnalist yekunlaşdırıb.