Dünya

11 yaşlı ukraynalı oğlan Slovakiyaya təkbaşına getdi - FOTO

7 Mart 2022 04:30

11 yaşlı ukraynalı uşaq təkbaşına Ukrayna-Slovakiya sərhədinə çatıb.

Publika.az UNIAN-a istinadla xəbər verir ki, bu barədə Slovakiya Daxili İşlər Nazirliyinin "Facebook" səhifəsində məlumat verilib.

Zaporojyedən olan uşaq əlində bir plastik torba, pasport və əlinə yazılımış telefon nömrəsi ilə Slovakiya sərhədini keçib. Uşağın valideynləri Ukraynada qalmağa məcbur olublar.

Oğlanı sərhəddə Slovakiya könüllüləri qarşılayıblar. Uşağın nə qədər qorxmaz olduğuna təəccübləniblər.

Valideynlərinin əlinə yazdığı nömrə sayəsində oğlan qohumları ilə əlaqə saxlaya bilib və onlar gəlib onu aparəblar.

Bazar günü BMT-nin Qaçqınlar üzrə Ali Komissarı Filippo Qrandi bildirib ki, son 10 gün ərzində 1,5 milyondan çox insan müharibə səbəbindən Ukraynadan qonşu ölkələrə keçib.