Dünya

Çavuşoğlu 15 il sonra İsrailə getdi, Lapid dönər-kabab istədi

25 May 2022 14:52

Türkiyə xarici işlər naziri Mövlud Çavuşoğlu İsrailə rəsmi səfər edib.

Publika.az xəbər verir ki, bu səfər son 15 ildə iki ölkə arasında bir ilkdir.

İsrail və Türkiyə arasında pisləşən münasibətlər son dövrlər normallaşır. Çavuşoğlunun 15 ildən sonra etdiyi səfər də bunun nümunəsi hesab edilə bilər.

Türkiyə xarici işlər naziri israilli həmkarı Yair Lapidlə görüşüb. Daha sonra mətbuat konfransı keçirilib.

İsrailin xarici işlər naziri iki ölkə arasında siyasi və iqtisadi münasibətlərin inkişafından bəhs edib. Bu gün yeni mərhələnin başlandığını açıqlayıb.

Çavuşoğlu da iki ölkə arasında münasibətlərin normallaşması prosesindən, bundan sonra atılacaq addımlardan bəhs edib. Qüds məsələsində “iki dövlətli model”in davamlı sülh üçün yeganə yol olduğunu bildirib.

Görüşdə maraqlı dialoq da yaşanıb.

Çavuşoğlu Lapidi Türkiyəyə səfərə dəvət edib. Lapid də “dönər-kabab olacaqsa, gələrəm” deyə zarafatla cavab verib.