Şri-Lanka prezidenti kütləvi etirazlara görə İSTEFA VERDİ
Bizi izləyin
Aptekonline

Dünya

Şri-Lanka prezidenti kütləvi etirazlara görə İSTEFA VERDİ

Kütləvi etirazların başlamasından sonra Şri-Lanka prezidenti Qotabaya Rajapaksa istefa verməyə razılaşıb.

Publika.az "Associated Press"ə istinadla xəbər verir ki, bunu Şri-Lanka parlamentinin spikeri Mahinda Yapa Abeyvardena deyib.

O bildirib ki, parlamentdəki partiya liderlərinin iclasında onun istefasını tələb etmək üçün qəbul edilən qərar barədə Rajapaksaya məlumat verib və prezident razılaşıb.

Rajapaksa hakimiyyətin ötürülməsini təmin etmək üçün iyulun 13-dək Şri-Lankanın prezidenti olaraq qalacaq.

Xatırladaq ki, iyulun 9-da Şri-Lankada hökumət əleyhinə ən böyük yürüşlərdən biri keçirilib .

Nəticədə Kolomboda minlərlə nümayişçi polis barrikadalarını aşaraq prezidentin rəsmi iqamətgahına soxulub.

KİV-in məlumatına görə, prezident Qotabaya Rajapaksa etirazçılar içəri girməmiş iqamətgahı tərk edə bilib.

Hüseyn İbadlı

Teqlər
Oxumağa davam et
Reklam
Reklam

Gündəm

Aptekonline