ABŞ Ukraynaya uzaqmənzilli bombalar göndərəcək

Kiyev keçən il Rusiya tərəfindən ələ keçirilən əraziləri geri almaq üçün yaz hücumuna hazırlaşarkən ABŞ Ukraynaya uzaqmənzilli bombalar göndərməyə razılaşıb.

Publika.az xəbər verir ki, bu barədə ABŞ rəsmiləri bildiriblər və yeni silahların Amerika tərəfindən əvvəllər tədarük edilən hücum silahlarının çeşidini təxminən iki dəfə artıracağını təsdiqləyiblər.

Bir neçə ABŞ rəsmisi cümə günü elan edilməsi gözlənilən 2,17 milyard dollarlıq yardım paketinin bir hissəsi olaraq ABŞ-ın qurudan atılan bombalar tədarük edəcəyini bildirib.

Paketə ilk dəfə olaraq Qərb müttəfiqləri tərəfindən təchiz edilmiş müxtəlif hava hücumundan müdafiə sistemlərini birləşdirən və Ukraynanın Rusiyanın davam edən raket hücumlarından daha yaxşı müdafiə olunmasına kömək etmək üçün onları Kiyevin öz hava hücumundan müdafiə sistemlərinə inteqrasiya edən avadanlıqlar daxildir.

Bir neçə ay ərzində ABŞ hakimiyyəti Ukraynaya uzaqmənzilli silah sistemləri göndərməkdə tərəddüd edirdi, çünki onların Rusiya daxilindəki hədəflərə qarşı istifadə olunacağından, münaqişənin gərginləşməsindən və ABŞ-ı daha da onun içinə çəkəcəyindən ehtiyatlanırdı.

Uzaq mənzilli bombalar Abrams tankları və Patriot raket əleyhinə sistemlərdən sonra ABŞ-ın əvvəlcə imtina etdikdən sonra Ukraynaya verməyə razılaşdığı digər müasir silah sistemidir. Eyni zamanda, Amerika rəsmiləri Ukraynanın döyüş təyyarələri ilə bağlı müraciətlərini rədd etməkdə davam edir.

Rəsmilər, ABŞ-ın 150 kilometr mənzilli, dəqiqləşdirilməmiş sayda kiçik diametrli bombalar göndərəcəyini bildirib.

Ayşən