Cəmisi 39 manata görə 14 il gizləndi - İndi də...

Çin sakini yanacaqdoldurma məntəqəsindən cəmi 23 dollar (təxminən 39 manat) qarət etdiyinə görə, düz 14 il dağ mağarasında polisdən gizlənərək yaşayıb.

Publika.az xəbər verir ki, bu barədə "Oddity Central" yazır.

Liu Mouf iki şəriki ilə yanacaqdoldurma məntəqəsini qarət etmək fikrinə düşəndə, təxminən 30 yaşı olub. Onlar qarət etmək üçün daxil olduqları məntəqənin kassasında cəmi 23 dollar olduğunu görəndə, sözün əsl mənasında məyus olublar.

Bu səbəbdən dərhal oradan uzaqlaşsalar da, çox çəkməyib ki, polis onun ortaqlarını taparaq həbs edib. Hüquq-mühafizə orqanlarının onu da yaxalayacağından qorxan kişi isə gizlənməyə qərar verib.

Polislər onun ailəsini dindirməyə və evində axtarışlara başlayıblar. Bu vaxt ərzində Liu meşədə gizlənib və dağ mağarasında məskunlaşıb. O, ov ovlamaqla və giləmeyvə toplamaqla həyatda qalmağa çalışıb. Bəzi günlər isə kartof və ət almaq üçün kəndə qayıdıb, eyni zamanda valideynləri ilə də bir neçə dəqiqə görüşüb.

Liunun ailəsi dəfələrlə ondan hakimiyyət orqanlarına təslim olmasını xahiş etsə də, kişi bundan imtina edib.

Yalnız 2023-cü ildə anlayıb ki, dərviş kimi yaşayır və bundan sonra artıq belə davam edə bilməyəcək. Adam 14 il gizləndiyi müddətdə nə atasının yasına gələ bilib, nə də nəvələrini görə bilib. Bundan duyduğun narahatlıq səbəbindən qərara gəlib ki, polisi mağaraya çağırsın və könüllü olaraq təslim olsun. O, hazırda dindirilir və onu 10 il qədər həbs cəzası gözləyir.

Ayşən