Dünya

ABŞ bildiyini edir, Çin isə...

3 Mart 2023 16:08

"ÇXR ABŞ-ın Tayvana silah satmasının qəti əleyhinədir və bunu “vahid Çin” prinsipinin ciddi şəkildə pozulması kimi qiymətləndirir. Bununla bağlı Pekin Vaşinqtona təqdimat edib".

Publika.az xəbər verir ki, bunu Çin Müdafiə Nazirliyinin rəsmi nümayəndəsi Tan Kefei deyib.

“Çin ABŞ-ın Tayvana silah satmasına qəti şəkildə qarşıdır. ABŞ-ın hərəkətləri Çinin daxili işlərinə kobud müdaxilədir. “Vahid Çin” prinsipini və Çin-ABŞ birgə üç kommünikesinin müddəalarını ciddi şəkildə pozur. Çinin suverenliyi və təhlükəsizlik maraqlarına ciddi zərbə vurur, ölkədə sülh və sabitliyə ciddi təhlükə yaradır", - o, deyib.

“Çin Xalq Azadlıq Ordusu hər an “müstəqillik” təxribatlarına və xarici qüvvələrin müdaxiləsinə qarşı durmağa, milli suverenliyi və ərazi bütövlüyünü qətiyyətlə müdafiə etməyə həmişə hazır olub”, - deyə Çin Müdafiə Nazirliyinin nümayəndəsi yekunda vurğulayıb.