Tbilisidə Aİ bayrağını yandırdılar
Bizi izləyin

Dünya

Tbilisidə Aİ bayrağını yandırdılar

Bu gün Tbilisinin mərkəzi Rusiya ilə münasibətlərin qurulmasının tərəfdarı və Qərbin təsirinə qarşı olan “Mühafizəkarlar Hərəkatı” və “Alt İnfo” platforması tərəfindən bloklanıb.

Publika.az xəbər verir ki, bu barədə “Novosti-Georgia” məlumat yayıb.

Kolon Rustaveli prospekti ilə parlament binasına doğru irəliləyib. Burada etirazçılar Gürcüstanda xarici agentlər haqqında qanunla bağlı referendum keçirilməsini tələb ediblər. Eyni zamanda iştirakçılar Gürcüstan bayraqları altında çıxış edərək “Sakartvelo” şüarını səsləndiriblər.

Onlar, həmçinin Tbilisidə “Xarici təsirin şəffaflığı haqqında” qanuna qarşı keçirilən etiraz aksiyaları zamanı zorakılıq edənlərin, ilk növbədə, “Molotov kokteyli” atanların cəzalandırılmasını tələb ediblər.

Etirazçılar parlamentin qarşısında qaldırılmış Aİ bayrağını cırıb, tapdalayıb və yandırıblar. Polis baş verənlərə müdaxilə etməyib.

Ayşən

Teqlər
Oxumağa davam et
Reklam
Reklam

Gündəm