Dünya

NASA Ayın ətrafında uçacaq astronavtların adlarını AÇIQLADI

4 Aprel 2023 00:45

Amerika kosmik agentliyi NASA 2014-cü ildə "Artemida II" missiyası çərçivəsində Ay ətrafında uçacaq dörd astronavtın adını açıqlayıb.

Bu barədə Publika.az "Sky News"a istinadla xəbər verir.

Bildirilir ki, bu dəfə ekipajda ilk dəfə bir qadın (Kristina Koç) və bir qaradərili (Viktor Qlover) şəxs yer alacaq.

Məlumata görə, komandaya amerikalı astronavtlar Kristina Kox, Viktor Qlover və Rid Uayzman, həmçinin kanadalı astronavt Ceremi Hansen daxildir.

NASA dəfələrlə Artemis missiyalarına qadınları və qaradərililəri də daxil edəcəyini bildirib.

Qeyd edək ki, "Artemida II" "Orion" kosmik gəmisinin planlaşdırılmış üçüncü uçuşu və SLS raketi ilə buraxılacaq ilk insanlı missiyasıdır. Göyərtəsində 4 astronavt olan "Orion"un Ayın üzərindən uçaraq Yerə dönəcəyi gözlənilir. Bunun 2024-cü ilin may ayında baş verəcəyi planlaşdırılır.

Hüseyn İbadlı