"Birgə kəskin qılınc" - Çin təlimlərə başladı

Çin adanın prezidentinin ABŞ Nümayəndələr Palatasının spikeri ilə görüşündən sonra Tayvan ətrafında üç günlük hərbi təlimlərə başladığını bildirib.

Publika.az xəbır verir ki, Çinin Şərq Bölgəsi hərbi komandanlığı təlimi elan edərək, bunu "Tayvan separatçı qüvvələri ilə xarici qüvvələr arasında sövdələşməyə qarşı ciddi xəbərdarlıq və milli suverenliyi və ərazi bütövlüyünü qorumaq üçün zəruri addım" kimi xarakterizə edib.

"Birgə kəskin qılınc" adlandırılan təlimə planlaşdırılmış şəkildə Tayvan boğazı və ətrafında, şimal, cənub və Tayvanın şərqində, eləcə də dəniz və hava məkanında xəbərdarlıq patrulları və təlimlər daxil olacaq", - polkovnik Şi Yi bildirib.

Təlimdə "ölkənin dəniz, hava və informasiya üzərində nəzarəti ələ keçirmək qabiliyyəti, bizim birgə döyüş sistemimiz tərəfindən dəstəklənir", - PLA bildirib.

Çinin açıqlamasından qısa müddət sonra Tayvanın müdafiə nazirliyi adanı Çin materikindən ayıran Tayvan boğazı üzərində ümumilikdə 42 Çin hərbi təyyarəsi aşkar etdiyini bildirib. Açıqlamada Çinin 29 hərbi təyyarəsinin boğazda orta xətti keçərək hava hücumundan müdafiə identifikasiyası zonasına daxil olduğu bildirilib. Boğazda 8 PLA gəmisinin göründüyü də qeyd edilir.

Tayvan Müdafiə Nazirliyi vəziyyəti yaxından izlədiyini və milli təhlükəsizliyi və suverenliyi qorumaq üçün hər cür səy göstərəcəyini bildirib.

“Xalq Azadlıq Ordusu (XAL) Tayvan boğazında qəsdən gərginlik yaradır. Bu, sülh və sabitliyə xələl gətirməklə yanaşı, regional təhlükəsizlik və inkişafa da mənfi təsir göstərir”, - deyə nazirlik qeyd edib.

Ayşən