Nə yoğurdu, nə yapdı, hazırca kökə tapdı - Hamiləliyini şeytanın üstünə atdı

19 yaşlı kolumbiyalı gənc qız şər ruhdan hamilə qaldığını deyib.

Publika.az xəbər verir ki, bu barədə “ MSN” məlumat yayıb.

Qızın anası bildirib ki, onun menstruasiyası gecikdikdən sonra şübhələnməyə başlayıb.Və qızı ginekoloqa aparıb.

Müayinələr zamanı qızın hamilə olduğu məlum olub.

Lakin qız israrla heçvaxt cinsi münasibətdə olmadığını deyib.

“Ginekoloqa getməzdən bir müddət öncə qəribə yuxular görməyə başladım. Etiraf edirəm ki, buna inanmaq çox çətindir. Amma hamiləliyimi təbiət izah edə bilməz. Çünki heç vaxt cinsi akt yaşamamışam”, - qız deyib.

Anası qızı dəstəklədiyini və bu fikrə inandığını bildirib.

Bu hadisə insanlar tərəfindən müzakirələrə səbəb olub.

Səsləndirilən fikirlər fərqlilik təşkil edib. Bəziləri söyləyib ki, anası qızın belə bir münasibət yaşadığını insanların bilməməsini istədiyi üçün bu hekayəni uydurublar. Bəziləri isə qızın sərxoş və narkotik qəbul etdiyinə görə baş verənləri xatırlamadığını və yaxud təcavüzə məruz qaldığını deyiblər.

İçlərindən bir qisim isə qızın həqiqətən şər ruh tərəfindən hamilə qaldığına inanıblar.