Gizli mənbə Ukrayna ilə bağlı detalları açdı: ABŞ qorxur ki...

Amerika və Ukraynanın prioritetləri fərqlidir, çünki Moskva ilə münasibətlərin daha da kəskinləşməsindən sonra Kiyevin “itirəcək heç nəyi qalmayıb”. Eyni zamanda, ABŞ hakimiyyəti münaqişənin nüvə eskalasiyasından qorxur.

Publika.az xəbər verir ki, bu barədə “The New York Times” (NYT) ABŞ prezidenti Co Baydenin müşavirlərinə istinadən yazır.

NYT bu şərhləri anonimlik şərti ilə alıb. O, mənbəsinə Vaşinqtonun Kiyevin Rusiya ərazisinə zərbələr endirmək üçün Amerika silahlarından istifadə etməsinə icazə verməsi ilə bağlı sual verib. Amerika liderinin məsləhətçilərindən biri deyib ki, bu məhdudiyyət “zaman Ukraynanın tərəfində olanda” məna kəsb edirdi, lakin indi vəziyyət dəyişib.

Rusiya Ukraynaya silah tədarükü ilə bağlı NATO ölkələrinə nota göndərib. Rusiyanın xarici işlər naziri Sergey Lavrov qeyd edib ki, NATO ölkələri Ukraynaya silah yardımı etməklə “odla oynayır”. Lavrovun fikrincə, blok və ABŞ münaqişədə birbaşa iştirak edir və bu, onun həllinə kömək etmir.

Rusiya Xarici İşlər Nazirliyi qeyd edib ki, Ukrayna üçün silah olan istənilən yük Rusiya üçün qanuni hədəfə çevriləcək. Kreml vurğulayıb ki, Ukraynanı Qərbdən silahlarla doldurmaq Rusiya-Ukrayna danışıqlarının uğuruna kömək etmir və mənfi təsir göstərəcək.

Adəm Abbaslı