ABŞ-dan İrana İsraillə bağlı xəbərdarlıq: Cavab verilməməlidir

ABŞ Müdafiə Nazirliyi (Pentaqon) Vaşinqtonun Təl-Əvivə dəstəyini bir daha bəyan edərək, İranın İsrailin hücumlarına cavab verməməli olduğunu bildirib.

Publika.az xəbər verir ki, Pentaqonun sözçüsü general-mayor Pat Rayder mətbuat konfransında İran və İsrail arasında artan gərginliklə bağlı açıqlama verib.

Rayder İranın qisas alacağına dair bir iddia irəli sürməyəcəyini bildirib: "ABŞ hökuməti olaraq, İranın İsrailin hücumlarına cavab verməməsi lazım olduğunu düşünürəm. Əgər onlar cavab verməyi seçsələr, əlbəttə ki, İsraili dəstəkləyəcəyik".

ABŞ-ın yaxın aylarda Yaxın Şərqə əlavə hərbi qüvvələr yerləşdirəcəyinə işarə edən Rayder bölgəyə “B-52” bombardmançılarının göndərildiyini vurğulayıb. O, hərbi qüvvələrin bölgədəki ABŞ qüvvələrini qorumaq və İsraili müdafiə etmək üçün yerləşdiriləcəyini qeyd edib: "İsrailin müdafiəsini dəstəkləməyə hazırıq və İranın heç bir cavab hücumu etməyəcəyinə ümid edirik".

Qeyd edək ki, Pentaqon oktyabrın 13-də verdiyi yazılı açıqlamada THAAD batareya sistemi və onu işlədəcək 100-ə yaxın hərbçinin İran təhlükəsinə qarşı İsrailə göndəriləcəyini açıqlayıb.

Roza