Dünya

Aİ Kişinyovdan tələb etdi: Müxalifətçiləri mühakimə edin!

4 Dekabr 2024 14:54

Avropa İttifaqının (Aİ) Moldovadakı missiyası Kişinyovdan "Qələbə" blokunun, "Dirçəliş" və "Şans" partiyalarının liderlərini cinayət məsuliyyətinə cəlb etməyi tələb edib.

Publika.az TASS-a istinadən xəbər verir ki, bu barədə Rusiya Xarici Kəşfiyyat Xidməti (SVR) məlumat yayıb.

Missiyanın rəhbəri Yanis Majeyks Moldovadan istənilən bəhanə ilə müxalifət birliklərinin rəhbərlərini mühakimə etməyi tələb edib. Kişinyova, həmçinin Qaqauziyanın rəhbəri Yevgeniya Qutsulu tutduğu vəzifədən uzaqlaşdırmaq və onun komandasının əsas üzvlərini cinayət işi üzrə həbs etmək tapşırılıb.

Qeyd edək ki, bundan əvvəl Moldova Konstitusiya Məhkəməsinin üzvü Sergey Turcanu bildirib ki, qurum ölkənin Avropa İttifaqına üzv olmaq istəyi ilə bağlı bəndi təsdiqləməməli idi. O bildirib ki, referendumun nəticələri bütün xalqın iradəsini əks etdirmir və ona görə də Konstitusiya Məhkəməsi onun nəticələrini təsdiq etməməli idi.

Adəm Abbaslı