ABŞ-la Ukrayna arasında ziddiyyət: Zelenski bu təklifi rədd etdi

Rusiyanın Ukraynanın şərqində sürətli irəliləyişləri fonunda Kiyev bəzi yeni tədbirləri nəzərdən keçirməyə başlayıb.

Publika.az xəbər verir ki, ABŞ NATO-dan 19 yeni müdafiə sistemi tələb edən Ukraynaya təzyiq edib. ABŞ Müdafiə Nazirliyinin rəsmiləri Ukrayna prezidenti Zelenskiyə hərbi xidmət yaşını 18-ə endirməyi təklif edərək, Ukraynanın əsl probleminin silah yox, əsgər çatışmazlığı olduğunu iddia edib. Lakin bu təklif Zelenski tərəfindən rədd edilib.

Rusiya 2023-cü ilə qədər Ukraynanın şərqində tutduğu ərazini 6 dəfə artıraraq böyük irəliləyiş əldə edib. Kiyevdə Rusiyanın irəliləyişinin qarşısını almaq üçün görülməli olan tədbirlərlə bağlı çoxlu fikirlər irəli sürülür. Ukrayna hökumət rəsmiləri həll yolunun Qərbdən daha çox silah almaqda olduğunu düşünür, ABŞ hökumət rəsmiləri isə bununla razılaşmır.

Zelenski açıqlamasında bildirib ki, məqsəd daha çox insanın həyatını xilas etmək olmalıdır:

“Silahları anbarlarda saxlamaq lazım deyil. Bizim prioritetimiz raketlərin tədarükü və Rusiyanın hərbi potensialının azaldılması olmalıdır”.

Aysel Şahmar